ಕೆಳದಿ ಚೆನ್ನಮ್ಮ ರಾಣಿಯ ಪೊಳಲಿಗೆ ಪವಿತ್ರ ಉಡುಗೊರೆ

ಈ ಭವ್ಯ ರಥವನ್ನು ಕೆಳದಿ ಸಂಸ್ಥಾನದ ರಾಣಿ ಚೆನ್ನಮ್ಮ ಮಾಡಿಸಿದ್ದರು. ಅತ್ಯಂತ ಬೆಳೆಬಾಳುವ ಬೀಟಿ ಮರದಿಂದ ತಯಾರಿಸಲಾದ ಈ ರಥ ಸುಮಾರು ಎರಡರಿಂದ ಎರಡೂವರೆ ಟನ್ ಭಾರವಿದೆ ಎಂದು ಅಂದಾಜಿಸಲಾಗುತ್ತದೆ. ರಾಣಿ ಚೆನ್ನಮ್ಮ ಅವರು ಇದನ್ನು ಆಳವಾದ ಭಕ್ತಿಯ ಸಂಕೇತವಾಗಿ ಪೊಳಲಿ ರಾಜರಾಜೇಶ್ವರಿ ದೇವಸ್ಥಾನಕ್ಕೆ ಉಡುಗೊರೆಯಾಗಿ ನೀಡಿದ್ದರು.

ರಥದ ಪ್ರತಿಯೊಂದು ಮೇಲ್ಮೈಯಲ್ಲೂ ಚಿತ್ತಾಕರ್ಷಕ ಕೆತ್ತನೆ ಹಾಗೂ ಸೂಕ್ಷ್ಮ ಕುಸುರಿ ಕೆಲಸವಿದೆ. ಆ ಕಾಲದ ಕುಶಲ ಕೆಲಸಗಾರರ ಪ್ರತಿಭೆಗೆ ಇದೊಂದು ಸ್ಮಾರಕ. ಪ್ರತಿಯೊಂದು ಫಲಕವೂ ಒಂದು ಕಥೆ ಹೇಳುತ್ತದೆ; ಪ್ರತಿಯೊಂದು ಕೂಡಿಕೆಯೂ ನಾಲ್ಕು ಶತಮಾನ ತಡೆದ ನಿಖರ ಮರಗೆಲಸದ ಅದ್ಭುತ ಸಾಧನೆಯಾಗಿದೆ.

ಈ ಐತಿಹಾಸಿಕ ರಥ ನಾಲ್ಕು ಶತಮಾನಗಳ ಕಾಲ ಪೊಳಲಿ ದೇವಸ್ಥಾನ ಆವರಣದಲ್ಲಿ ನಿಂತಿತ್ತು. ಕಾಲಕ್ರಮೇಣ ರಥ ಬಳಕೆ ಬಂದ್ ಆಗಿ, ಇಷ್ಟು ಪುರಾತನ ರಚನೆಯ ನಿರ್ವಹಣೆ ಹೆಚ್ಚು ಹೆಚ್ಚು ಕಷ್ಟದಾಯಕ ಆಯಿತು.

ಸಂರಕ್ಷಣೆಗೆ ನಿರಂತರ ಜಾಗ್ರತೆ ಬೇಕಾಗುತ್ತಿತ್ತು — ಮುಖ್ಯವಾಗಿ ಹಳೆಯ ಮರಕ್ಕೆ ತೇವ ತಾಗದಂತೆ ನೋಡಿಕೊಳ್ಳುವುದು ಅಗತ್ಯ ಆಗಿತ್ತು, ಏಕೆಂದರೆ ನೀರು ತಾಗಿದರೆ ಗೆದ್ದಲು ಹಿಡಿಯುವ ಅಪಾಯ ಇತ್ತು. ಜೊತೆಗೆ ಮರ ಒಣಗಿ ಬಿರಿಯದಂತೆ ತಡೆಯಲು ನಿಯಮಿತ ಮಧ್ಯಂತರಗಳಲ್ಲಿ ಎಣ್ಣೆ ಹಚ್ಚಬೇಕಾಗುತ್ತಿತ್ತು.

ಸಾಂಸ್ಕೃತಿಕ ಮಹತ್ವ ಹಾಗೂ ಸ್ಥಳದಲ್ಲೇ ಸಂರಕ್ಷಣೆ ಮಾಡುವ ಸವಾಲನ್ನು ಗಮನದಲ್ಲಿ ಇಟ್ಟುಕೊಂಡು, ಪೊಳಲಿ ದೇವಸ್ಥಾನ ಆಡಳಿತ ಸಮಿತಿ ಈ ಅಮೂಲ್ಯ ಪರಂಪರೆಯ ವಸ್ತುವನ್ನು ಮುಡಿಪು ಇಸ್ಕಾನ್ ಧ್ಯಾನ ಕೇಂದ್ರದ ವಸ್ತು ಸಂಗ್ರಹಾಲಯಕ್ಕೆ ದಾನ ಮಾಡಿದೆ, ಅಲ್ಲಿ ಮುಂದಿನ ತಲೆಮಾರುಗಳಿಗಾಗಿ ಸರಿಯಾಗಿ ಸಂರಕ್ಷಿಸಲು ಮತ್ತು ಮೆಚ್ಚಿಕೊಳ್ಳಲು ಸಾಧ್ಯ.

ಇಸ್ಕಾನ್ ಕಂಪೌಂಡ್ ಮುಖ್ಯ ದ್ವಾರ ದಾಟಿ ಒಳ ಹೋಗುತ್ತಿರುವಂತೆ, ರಥ ಬಲಬದಿ ಠೀವಿಯಾಗಿ ನಿಂತಿದೆ — ನಾಲ್ಕು ಶತಮಾನಗಳ ತುಳುನಾಡಿನ ಕಲೆ, ಎಲ್ಲರೂ ನೋಡಲು ಸಂರಕ್ಷಿತವಾಗಿ.